Les mots surlignés font l'objet d'une note
1Monseigneur, je viens de recevoir voste lettre escritte dujourdhuy et ay esté
2bien aise dentendre de bouche par le secretaire Cot, la bonne disposition en
3laquelle il vous a laissé et que commencez à reprendre voz proumenades, ce
4que me faict souhaitté estre près de vous au estat pour vous y accompaigner.
5Ce sera quant il plaira à Dieu. Les medecins me donnent asseurée esperance
6de ma briefve guérison et me conseillent prendre lair des champs, ce que
7je feray aussy tost que je seray ung petit renforcé et que ma santé le
8permettra, vous merciant bien humblement de loffre que me faictes à ces
9fins de vostre maison de Laval, ce que je ne refuse, mais ce sera après
10que jauray ung peu gous[t]er de lair de St Jehan de Moyrene et du Thouvet,
11qui me semble n’estre du tout sy penetrant que celluy de Laval. Quant à
12me trever en vostre logis de la Tresorrerie, jen confereray avec madame de
13Gordes, avec laquelle je men resouldray. Surce, me recommandant humblement
14à vostre bonne grace et priant le Createur
15Monseigneur vous conserver en la sienne, avec parfaicte santé. De Grenoble,
16ce dernier jour de juillet 1572
17Vostre à jamais plus humble et plus obeissant serviteur
18Valernod, par commandement de monseigneur le president
19Truchon qui n’a peu signer